ازاى الولد يخنق البنت ويحرق دمها ... تعالو يا معلمين

اذا كنت ماشفتهاش من زمان و قابلتها صدفة و بتسالك انت عامل ايه ازى احوالك ؟

ترد بمنتهى السزاجه ...انتى مش شايفانى فرحان و سعيد انى قابلتك ااقوم ارقصلك يعنى؟

ولما ترد و تقول خلاص انا اسفة 

ترد و تقول شىء طبيعى



لو كنت ماشى فى الشارع

وعدت قدامك واحدة حلوة

طبعا من الزوق و الادب انك تعاكسها بمنتهى الغتاتة او على الاقل ترش عليها ميه!!!!!



لو كنت فى عرابيتك و عدى من جنبيك عربية 

و فيها بنت حلوة افضل باصيصلها و متنح 

و لما تسالك انت بتبصلى كده ليه شد على الرابع و نفضلها.......



لو اتصلت بواحد و النمرة غلط و ردت عليك واحدة و قالتلك النمرة غلط 

من الطبيعى جدا انك ترد عليها و تقولها ماعليش اصل صوتك شبه صوت حسنى بالظبط.



لو ماشى مع بنت جميلة جدا و بتسالك عن رايك فى شكلها قولها 

هايلة يا حياتى بس لو فيه منك على حريمى!!!!!!



لو عايز تغتت اكتر و اكتر على اى بنت فى الشارع 

و قف اى واحدة واسالها الساعة كام هتقولك مثلا : الساعة 4.30 

بص فى ساعتك و قوللها تمام الساعة بتاعتك مظبوطة!!!! 



- لو راكب عربية نقل (مقطورة) وعدت قدامك بنت 
فمن الجنتلة انك تيجى جنبها و تزمر على اخرك.....



- لو نفسك تمشى مع بنت فى كليتك و كانت جاية تطلب منك حاجة للمرة الاولى فى حياتها .....

هتنادى عليك........احمـــــــــــد.....ههههههههه

- .... ممكن لو سمحت......

- بصلها و اضحك فى و شها و بعدين دير وشك و نفضلها خالص و لا كانك شفتها قبل كده......

طبعا و شها هيبقى شبه الطمطماية...

لكنها بعد كده هتروح تشتكيك لزميلاتها و تقول عليك انك و لد تنك و ماعندكش دم و لا ذوق....

و فاجاة روح كلمها عادى و لا كأن حاجة حصلت......

هتحتار فيك و تعجب بيك.... و يمكن تحبك.....يلا يا عم ابسط.....



لو انت فى محل ودخلت بعديك بنت 

طبعا من الزوق انك تقول للبياع خلص الانسة الاول ........

و البياع لسة بيجيبلها الحاجة قوله : ماتخلصنى بقالى ساعة قدامك و بعدين بتمشى الانسة ليه انا جى قبلها

(طبعا اعمل حسابك ان البقال هيضربك باى حاجة فى ايده)



لو انت مع بنت و هتركبوا تاكسى و غيران عليها 

و خايف للسواق يقعد يبصلها فى المراية

طبعا اتصرف على الفور و قعدها جنبه و اقعد انت ورا!!!!!!



لو انت مصاحب بنت جادعة قوى و بتقف معاك فى كل المواقف المنيلة اللى بتحصلك 

و اخر موقف انك نايم على السرير بعد ما انضربت من شوية رجالة كانوا بيعاكسوها و انت عملت فيها احمد عرابى ....

امسك ايديها برومانسية و بص فى عنيها و لو لابسة نضارة ماتبصش 

وقولها: انا مش عارف ارد جمايلك دى كلها فين

لما سقط السنة اللى فاتت و قفتى جنبى... و لما اتثبت و اتسرقت هدومى و فلوسى و قفتى جنبى .....و لما ابويا مات وقفتى جنبى ......

مش عارف ليه يا حياتى حاسس انك فقر و نحس!!!!!!!!



لو خطيبتك كانت فى رحلة

وورتك صورة متصوراها جنب قفص القرود 

و بتسالك عن رايك فى الصورة الجنان دى؟؟؟

قولها: هو انتى مين فيهم!!!!!!!!



- لو كنت ماشى مع بنت سامرة ....

وكانت لابسة فستان احمر و قاليتلك دلعنى....

قولها : يا فحم مولع..!!!



لو كنت ماشى مع بنت

و شفت شاب بيبوس ايد حبيبته (رومانسية طبعا.. وولد جنتل قوى يعنى) و بتقولك ماتبقى تعمل زيه..... 

رد عليها و قولها : واعمل زيه ازاى و انا ماعرفش البنت اللى بيمشى معاها!!!!!!



لو بتسالك فى غيرة ( انا عرفت انك ماشى مع بنت تانية غيرى اسمها دعاء و شاقرة) 

رد و قول لا و الله انا ماشى مع بنت خمرية و اسمها سارة!!!!!!!.......والله يا جماعه ما اعرفها.....ههههههههه



لو قالتلك اى بنت.....مش بزمتك انا مالية عليك حياتك...

قولها: ايوة بس لو ماكنتش عرفتك كانت محفظتى هتفضل مليانة..

طيب هو يقدريعمل كل ده



معلش مش احنا اللي يتعمل معانا كده

ههههههههههههههههههههه

تسلم خالد ع الموضوع

ههههههههههههههههههههههههههههه

ايه ده

ازاي الكلام دا يعني لا طبعا

هههههههههههههههههههههههههه

بس بجد ضحكتني

ميرسي خالد على الموضوع التحفة دا

بس مش موافقين عليه برضه

شكراااا يا جماعة على المرور
و رجالة ماتقلقوش منهم مش هايقدروا يعملولنا حاجة