قعدة أونلاين

اجمل قصة حب ممكن تسمعيها - حكاية عاشق 36_1_310

يادي النور يادي الهنا.. نورتنا و الله.. سجل بقى أو أدخل لو كنت مسجل..

شوف انت عاوز ايه و خلصنا..!!

اقولك.. ادخل ادخل.. هاتتبسط و الله..



انضم إلى المنتدى ، فالأمر سريع وسهل

قعدة أونلاين

اجمل قصة حب ممكن تسمعيها - حكاية عاشق 36_1_310

يادي النور يادي الهنا.. نورتنا و الله.. سجل بقى أو أدخل لو كنت مسجل..

شوف انت عاوز ايه و خلصنا..!!

اقولك.. ادخل ادخل.. هاتتبسط و الله..

قعدة أونلاين

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

•°ميين؟؟ زائر ؟؟ اتاري القعدة منورة ..يا أهلا يا أهلا.. °•


2 مشترك

    اجمل قصة حب ممكن تسمعيها - حكاية عاشق

    K*H*A*L*E*D
    K*H*A*L*E*D
    {إدارة القعدة}


    عدد المشاركات : 78

    درجة النشاط..~ : 34

    اجمل قصة حب ممكن تسمعيها - حكاية عاشق Empty اجمل قصة حب ممكن تسمعيها - حكاية عاشق

    مُساهمة من طرف K*H*A*L*E*D 23/9/2008, 9:13 pm

    الحكاية بتبدأ من حوالى سنتين....
    العفش بينزل من على عربية النقل...

    و انا واقف فى البلكونة.. وبسأل امى (اللى كانت واقفة تنشر الغسيل): هو فى حد هيسكن هنا ولا ايــه يا ماما؟
    قالتلى اه يا حبيبى دى الشقة اللى قصادنا
    قلتلها ويا ترى عرسان جداد ولا عيلة وبتعزل؟
    قالتلى والله يابنى مانا عارفة
    قلتلها طيب.. يا خبر انهارده بفلوس.. بكرة يبقى بفلوس اكتر..

    و بعد أسبوع......
    أمى واقفة بتنشر الغسيل بردو.. وانا واقف جنبها بردو.. وبتقولى: مش السكان الجداد وصلوا خلاص
    قلتلها يا شيـــــخة!
    قالتلى: اه.. مرات الراجل عدت عليا انهارده وسلمت عليا وعرفتنى بيهم
    قلتلها: ايــه بقى عرسان جداد؟؟
    قالتلى لا دول أسرة.. عندهم ولدين وبنت
    قلتلها خير.. خير.. (والشر بيبظ من عينيا)

    و أثناء الحديث الشيق ده..
    طلعت مامت الولاد م البلكونه.. ولما شافت أمى هزت راسها - بتسلم على ماما يعنى -.. وطبعا أمى ردتلها الهزة - بترد السلام يعنى -
    و بعدين طلع ولد صغير ابتسم لنا اول ما شافنا....
    أصل البلكونة فى وش البلكونة ... بس باين عليهم ناس طيبين اوى...
    المهم.. الأم ندهت لبنتها...
    الحقيقة انا كنت أول مرة فى حياتى أسمع الاسم اللى هى ندهت به..
    أول مرة أعرف ان فى بنت اسمها كده أصلا...

    الام بتنده: يــــــا روفيادة (على وزن بثينة , بضم الراء يعنى)
    اسم جامد مووووووت... عجبنى الاسم اوى... وبدعى ربنا تكون رُفايدة حلوة زى اسمها..
    و طلعت روفايدة من ورا الستارة فـى حركة Slow Motion من بتاعة الافلام..
    و انا متنح تتنيحة سوده... روفايدة طلعت احلى من اسمها.. جميلة جمال لا يوصف... ناصعة البياض..
    مش قادر ارفع عينى من عليها.. مينفعش ارفع عينى من عليها اصلا...
    فضلت متنح لحد ما شافتنا انا وامى..
    لما شافت امى ابتسمت لها..

    و لما شافتنى زى ما تكون شافت عفريت ودخلت على جوة جرى...


    و تمر الأيام..
    و مشكلتى ان البلكونة بتاعتنا تدخلها من اوضتى.. عشان كده فى الرايحة والجاية ابص اشوف روفايده واقفة ولا لأ..
    ساعة ما الاقيها واقفة.. اطلع البلكونة..
    مرة اعمل نفسى بتكلم فى التليفون.. او بشم الهوا مثلا - مع إن الدنيا تراب وعفرة -
    او بلعب عشر ضغط.. اى تلكيكة والسلام
    الغريب انها كانت فى الاول لما تشوفنى تروح داخلة جرى على جوة..
    لكن بعد فترة لاحظت انها مكانتش بتدخل اول ما تشوفنى.. وكانت بتفضل واقفة هى كمان...
    بقيت فى عز الشمس اقف.. لحد ما اعرق واجيب جاز.... فى عز البرد واقف بتكتك م البرد
    واقف بالساعات مدام روفايدة واقفة... ارمى نظرة.. ابتسامة.. أشاور
    و كانت هى بتكتفى بالابتسام وعلامات الخجل...

    و ف يوم من ذوات الايام..
    بشاورلها.. شاورتلى
    بقيت هطير م الفرحة.. روفيده شاورتلى يا جدعان...
    قعدت اطنطط ع السقف وأغنى وحياة قلبى وأفراحه..
    و هبا إيـه هبا أاه.. إن شاء الله هنظبط
    امتى بقى اتكلم معاها ونهظر سوا...

    لحد ما جه اليوم...
    انا راجع م الكلية.. وعلى اول الشارع شفت أمى واقفة مع مامت روفايده..
    و المفاجاة: روفايده واقفة معاهم
    لقيت نفسى بجرى زى شخصيات الكرتون.. نصى التحتانى بيجرى قبل نصى الفوقانى تشووووووووو...
    لحد ما بقيت عندهم.. عرقان طبعا وبنهج وحالتى حالة...
    نزلت عليهم زى الباراشوط..
    ازيك ياماما.. ازيك يا طنط عاملين ايه...
    و بصيت لرٌفايدة.. كانت بصالى وبتضحك..
    كانت زى القمر اليوم ده.. ولابسة تى شيرت حمالات - اصل الجو كان حر اوى اليوم ده -
    قلتلها: ازيك يا روفايده؟!
    و كان رد فعلها غير متوقع بالمررررة... كان صدمة حقيقية بالنسبة لى..
    لقيتها بتمد ايديها وبتسلم عليا...
    و بتقولى: الحمد لله.. ازيك انت؟؟!
    رحت مسلم عليها....
    و قلتلها: الله يسلم قلبك يا روح قلبى..
    و رحت بايس ايديها....
    و رحت شايلها...........
    و قلتلها: انتى عندك كام سنة بقى؟؟


    قالتلى عندى 3 سنين


    رحت بايسها تانى وانا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت
    و من يومها وانا وروفيده اصحاب... كل ما تطلع البلكونه نلعب ونهزر مع بعض

    ودى قصتى عن الحب
    ههههههههههههههههه
     :p :p
    وتعيشوا وتاخدوا غيرها يا احلى منتدى

    الإدارة
    الإدارة
    {إدارة القعدة}


    أنا من : مصر

    ازيك.. : يااااااااااا رب..
    عدد المشاركات : 303

    درجة النشاط..~ : 157

    اجمل قصة حب ممكن تسمعيها - حكاية عاشق Empty رد: اجمل قصة حب ممكن تسمعيها - حكاية عاشق

    مُساهمة من طرف الإدارة 24/9/2008, 5:24 am

    :lol!:

    ههههههههههههههههههههه

    موتني من الضحك بجد

    هههههههههههههههههههههههههههههههه

    ايه المقالب دي

    بس انت كده بتثتبت ان الاصل في الانسان سوء النية هههههههههههههههههههههه

    بجد تسلم ايدك على القصة التحفة

    و مستنيين مقالبك دايما كده
    K*H*A*L*E*D
    K*H*A*L*E*D
    {إدارة القعدة}


    عدد المشاركات : 78

    درجة النشاط..~ : 34

    اجمل قصة حب ممكن تسمعيها - حكاية عاشق Empty رد: اجمل قصة حب ممكن تسمعيها - حكاية عاشق

    مُساهمة من طرف K*H*A*L*E*D 25/9/2008, 9:10 pm

    هههههههههههههههههههههههههههه
    ربنا يكرمك يا بنتى الموضوع اتشاف 10 مرات ومفيش غير ردك شوفتى بقى
    انتى اللى نصفانى هههههههههههههه
    ياريت يا جماعة اللى شاف الموضوع وعجبه يقولى طيب او يقولى حتى اسكت وما احطش مواضيع تانية يعنى يقول اى حاجة انشالله يكتب اسمه ويسيب ورقة الاجابة فاضية ههههههه اى حاجة يا شباب

      الوقت/التاريخ الآن هو 28/3/2024, 5:19 pm